Hala Bedi Irratia

Ostiral honetan “LOAN” eta “RHINO” taldeak arituko dira gaztetxean zuzenean, igobolumena-k txorionak en barruan antolatu duen kontzertuan.

“RHINO” taldeko kideak bilbotarrak dira. Hauek egiten duten soinua thrash-a, rock-a eta doom metalaren arteko nahasketa indartsua da beraien hitzetan, eta aipatzen dituzten eraginak, motorhead, autopsy, high 0n fire…dira. Orain dela oso gutxi atera berri dute beraien azkenengo diska “dead throne monarch” eta hau aurkeztera etorriko dira ostiralean gasteizko gaztetxera.

“LOAN” taldekoak ere bilbotik datoz eta hauek ere beraien diska aurkeztera etorriko dira “kobazuloan saiakerak“. Hauek rock/trance/metala egiten dute eta taula gainean esperientzia nahikotxo dute Unsane,moho eta adrift bezalako talde potenteekin aritu bait dira. Beraz zuzeneko ikaragarria ikusteko aukera ostiral honetan gaueko 21:00 gasteizko gaztetxean.

Egun hori pixka bat berotzeko eta taldeen goraberak hobeto ezagutzeko,ostegun honetan igobolumena saion “RHINO” taldearekin elkarrizketa bat izango dugu. Horrez gain bi taldeen diska berriak entzuteko aukera ere izango dugu ostiralen gaztetxearen taula gainean zuzenean eskeiniko digutena pixka bat prestatzeko.

ez galdu aukera!! ostiralean gaueko 21:00 etan gasteizko gaztetxean!!

Denboralditxo bat gure bitakoran ezer zintzilikatu gabe pasa eta gero, badugu aitzakia ederra, eta egia esan, Habeas Corpus taldearekin harremanetan jartzeko ez da inolako aitzakiarik behar, baina ostiralean Txorionak-eko egitarauaren barnean emango duten kontzertua aprobetxatuz, bihar Igo Bolumena saioan zuzenean taldeko ahotsa den MARS-ekin mintzatuko gara, argitatatu berri duten “Justicia” lan horretaz, kontzertuaz eta denborak uzten digunaz. Beraz ez galdu elkarrizketa ezta ostiralean Gasteizko Xasta taldearekin batera Gaztetxean emango duten zuzenekoa. Eta amaitzeko esan behar dizuegu badugula tokitxo bat myspace madarikatu horretan, momentuz ez dago gauza handirik, baina tira… Ez ahaztu saioa ostegunetan emititzen dela, arratsaldeko zazpietan, eta astelehenetan gaueko ordu bietan.

igobolumena@halabedi.org

http://www.myspace.com/igobolu

Aurreko ostegunean Nunnery Terrassako taldea elkarrizketatu genuen Igo Bolumena saioan. “Friends at work” lanarekin ezagutu genuen Nunnery, sarritan enztun izan dugu diska, eta orain hilabete bat haien bigarren erreferentzia heldu zitzaigun, “Wall of clouds” izena duen lana, oso kritika eta harreman ona izaten ari den diska, bai estatu osoko hedabideetan baita publikoaren artean ere. Saioan diska honi ere errepaso galanta eman ostean, pentsatu genuen bazela garaia hauek Hala Bediko uhinetan izateko, eta hementxe emaitza, Makuto, Dani eta Mariorekin izandako solasaldi interesgarria eta haien azken diskako sarrera eta lehenego kanta, “Hanged Divinity ride”. Ea laister Gasteiztik pasatzen diren eta horrela ikusi ahal izango dugu ea haien zuzenekoak diskak bezain indartsuak diren.

Entzun:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

www.nunnery.biz

www.myspace.com/nunneryhc

igobolumena@halabedi.org

Eguerdion zarataren maitaleak!

Aurrekoan esaten genizuen duela egun batzuk argitaratutako mezuarekin editorea pozik edukiko genuela denboralditxo baterako, baina beno, sorpresa bat emango diogu, atzo Ruido de Rabia-ko Santi eduki genuelako telefonoan, eta hementxe daukazue emaitza.

Gustora aritu ginen Santirekin taldearen ibilbideari buruz, eta duela gutxi Musica Autonoma-k argitaratutako bildumaren inguruko xehetasun guztiak kontatu zizkigun, gure musikaren historia zatitxo bat den taldearen diskografia osoa eta hainbat zuzeneko biltzen dituen lan txukuna. Hortxe Santirekin izandako solasaldia.

Entzun:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Arratsaldeon doinu gogorren zale guztie!!

Beno, kostatu zaigu ikasturte hasiera honetan erritmoa hartzea baina jada Igo Bolumenako kideok hementxe gaude, bai uhinetan baita sareen sarean ere. Espero dugu honekin gure bitakora honetako editorea pozik egotea beste hil pare baterako, ez, editore jauna?

Beno, bromak alde batera utzita bagoaz kontatu beharreko guztiarekin. Jada martxa hartu dugu, kostata baina lortu dugu eta ohiko eta berriko atal, elkarrizketa eta kolaboraziekin hasi gara saioan. Alde batetik, duela bi aste Kanda, Neubat eta Vicepresidentes taldeetako kidea (eta bere momentuan etxe honetako Metalgunea saioaren kidea) izan genuen estudioan, baina ez bere proiektuei buruz hitz egiteko, baizik eta muturreko musikaren inguruko kolaborazio bat egiteko; death-metala eta grindcorea egiten duten taldeak entzuteko aukera eduki genuen, haien artean Obituary, Criptosy, Pirexia, Skinless, Looking for an Answer eta Nasghul. Benetan interesgarria Kandarekin egindako kolaborazioa, ea laister errepikatzeko aukera daukagun.

Baina hemen ez dira amaitzen eman beharreko berriak; aste honetan Ruido de Rabia talde
gipuzkoarrari buruz hitz egingo dugu, eta horretarako Santirekin kontaktatuko dugu, garai desberdinetan taldeko baxu eta gitarjolea izan zena. Ruido de Rabia taldearen ibilbidea 1985 urtetik 1994-ra arte joan zen, eta bide horretan split, ep eta lp batzuk utzi zizkiguten. Hauek guztiak, Musica Autonoma-k batu eta argitaratu ditu, “Eros versus Thanatos” izena duen bilduma batean(hauxe da taldearen lehenengo lanaren izena, Burgoseko Ultimo Gobierno taldearekin batera ateratako split bat). Bilduma honetan cd eta dvd bina topatuko dituzue, material pila batekin, eta honen inguruan mintzatuko gara Santirekin, baita talde honen ibilbideari buruz ere. Eta behin pilak jarrita, hurrengo astean gure kolaboratzaile berriaren lehenengo agerraldia izango dugu, Alberto, goian aipatzen genuen Musica Autonoma disketxe eta banatzailearen arduraduna. Baina honen inguruko berri gehiago datorren astean emango dizuegu.

Eta amaitzeko gogorarazi nahi dizuegu helbide elektroniko bat daukagula, igobolumena@halabedi.org, eta horra idatz diezaigukezuela nahi duzuena kontatzeko; kontzertu baten kronika, ezagutu duzuen talde baten berri emateko, zein ondo edo zein gaizki egiten dugun esateko… Badakizuelako etxe hau guztiona dela eta denok daukagula ahotsa, guretik ere hori transmititu nahi dugu, beraz… ANIMATU!!!

Badakizue, ostegunetan 19:00-etatik 20:00-etara eta astelehenetan gaueko 2:oo-etatik 3:00-retara … IGO BOLUMENA!!!

Aste honetan, “No acepto” dvd dokumentalaren inguruan elkarrizketa bat izan dugu Igo Bolumena saioan. Horretarako,Musica Autonomako Albertorekin hitz egiteko aukera izan dugu, honek “No acepto” dvd horretan zer aurkituko dugun eta nola izan ziren honen grabaketan, produkzioan….izandako gora beherak kontatuko dizkigu.
“No acepto” dvd-a,80. hamarkadan estatu mailan izandako hk/punk aren inguruan eginiko dokumental bakarra dugu. bertan estatu mailan estilo honetan egon zen “boom”-a jasotzen da, eta hainbat talderen inguruan aritzen dira, hauen alkarrizketekin eta zuzeneko emanaldiekin. Honetaz aparte irudi galeria zabala eskeintzen digu, bertan teldeen argazkiak, zuzeneko argazkiak,kontzertuetako sarreren irudiak eta beste bitxikeri batzuk agertzen dira.
Hauek dira dvd-an agertzen diren talde batzuk:R.I.P.,Eskorbuto,Kortatu,Cicatriz,G.B.R.,BAP!!,La polla records,Vulpess,Parasitos,Vomito,Ruido de Rabia…

Hemen duzue saioan eginiko elkarrizketa:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Sick of it all taldearen ibilbideari homenaldi bat egitea erabaki dute hainbat taldek, merezitako omenaldia, talde honek urteak eta urteak baitaramatza diskak ateratzen(haien 20. urteurrena ospatzen ari dira) eta batez ere, errepidean, mundu osoko eskenatokiak ezagutzen baitituzte. New Yorkeko hardcorearen aitzindariak, Gorilla Biscuits, Agnostic Front eta Cro-Mags taldeeekin batera, hardcorean murgiltzen diren talde askok aipatzen dute Sick of it All haien eraginen artean. Hori diska honetan nabarmena da, alde batetik, aspalditik mundo horretan ezagunak diren taldeak eta azken urteotan ospea lortzen hasi direnak ere agerten baitira eta bestetik aipatzekoa da estiloan topa ditzakegun korronte guztietako taldeak daudela bilduma txukun honetan. Madball, Comeback Kid eta Kill your Idolls beteranoen artean, Sepultura eta Napalm Death metaleroak, Pennywise eta Rise Against melodikoak(entzun azken hauek Built to Last kantaren bertsioa), eta metalcorearen belaunaldi berrien artekoak Most Precious Blood, Unearth, Walls of Jericho eta guzti hauen “aitak”, Hatebreed dauzkagu.

Abestiei dagokienez, ematen du talde bakoitzak bere izaera propiari egokitzen zaion kanta aukeratu duela, eta oso emaitza onekin, gainera. Adibidez, hor daukagu Sepulturak Scrattch from the Surface abestiarekin egindako moldaketa edo rise against en built to last ena.Klasiko gehienak daude, eta zerbait ez hain ona ezatearren, taldearen azken urteotako ibilbidea ez da tributoan azaltzen, faltan botatzen dugu, batez ere Yours Truly diskako betsioren bat, agian hori gehiegi eskatzea da…

Eta Igo Bolumena saioa egiten dugunok ere gure omenaldi txikia egin nahi diogu talde izugarri honi eta ostegun honetarako laukote honen inguruko monografiko bat prestatzen ari gara, oraingo honetan jatorrizko bertsioekin, noski, tributo horretaz gozatzeko denbora edukiko dugu eta.

Badakizue, hortxe aukera Igo Bolumena saioan!!

OST taldea elkarrizketatzeko aukera izan genuen aurreko astean eta ez genuen aukera hori galdu. Euskal herri mailan metalaren inguruan aintzindari eta erreferente den talde honek 1996an argitaratu zuen lehenengo diska(Hitzak hotsak),eta hortik bi urtetara bigarrena (Salbuespena).Orain, hirugarren diska bat argitaratu dute “Ostinato” izenekoa eta honen inguruan egon ginen hizketan taldeko hiru partaiderekin.
“Ostinato” diska honetan OST taldekoek metal indartsus beteriko 12 abesti eskeintzen dizkigute, ez galtzeko modukoak!!
Igo Bolumena saioan ezin izan baduzue entzun, hemen daukazue elkarrizketa eta haien diskatik pare bat abesti, “Army of me” eta “Badaezpadan”.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.