Hala Bedi Irratia

Osiral honetan, 23an, gaueko 21:00etan kontzertua Gasteizko Gaztetxean. Fourscore + Izate Faltsua.

Jakina denez, igande honetan espainar kongresurako eta senaturako hauteskundeak izango dira. Beste behin ere, estatu espainolaren estrategia errepresiboari esker, ezker abertzalearen aukera legez kanpo geratu da, alegia, independentziaren aukera hauteskundeetatik atera dute. Duela egun batzuk, prentsaurreko baten bidez, ezker abertzaleak abstentzio aktiboaren aldeko hautua egin zuen. Erabaki honi buruz eta egungo egoerari buruz hitzegiteko, astelehenean ezker abertzaleko kidea den Patxi egon zen gurekin Gazte Taupadak-en.
Salbuespen egoera honen hasiera negoziazio prozesuaren apurketan kokatzen dela adierazi digu Patxik. Prozesu horretan, gobernu espainarrak ezker abertzalea asimilatu eta berau marko ez-demokratiko batean integratu nahi zuen. Iruzur horren aurrean, ezker abertzaleak ezezko borobila eman zuen. Apurketa horren ondorioz, gobernuak helburu bera zuen gerra estrategiari ekin zion, hots, ezker abertzalea ahuldu, gatazkari irtenbide faltsu bat eman ahal izateko. Horren aurrean, ezker abertzaleak apostu independista Madrilera eraman nahi zuen, ahalik eta sektore independentista zabalena bilduz eta aktibatuz..
Abstentzioren aldeko deialdia, salbuespen egoera horri eman beharreko erantzunari guztiz lotuta dagoela azaldu digu Patxik. Estrategia errepresibo horri herri gisa erantzun zaio, eta independentziaren aldeko sektore asko bildu eta aktibatu ziren. Behin indar horiek batuta zeudela, abstentzio aktiboaren aukera mahaian jarri zen, estatuari planto bat egiteko eta benetako marko demokratiko bat exijitzeko.

Hemen daukazue elkarrizketa osoa.

Otsailaren 23an, Txorionak kanpainaren barruan, Hala Bedi Irratiko Gazte Taupadak irratisaioa antolatutako hitzaldia “gazteok eta komunikazioa“. Hitzaldia ematera Gaztesareako Jaione ta Xirika-ko Jonmi etorri ziren. Hona hemen hitzaldiaren zati bat, laster hitzaldi osoa igoko dugu www.txorionak.org-ra.
<

Click To Play

Larunbat honetan Hala Bedi Tabernan Hala Bedi Irratiko Gazte Taupadak irratisaioak antolatuta hitzaldia egongo da. “Gazteok eta komunikazioa” Gaztesareako kide baten partetik. Ordua arratsaldeko 18:30etan.

Azken urteetan, etxebizitzaren arazoa denon buruan dago. Berau salatzeko sortutako ekimenak ugariak izan dira, eta horien artean, pasa den astean Gazte Asanbladen Koordinadorak herri ezberdinetan deitutako mobilizazio ezberdinak aurkitzen ditugu. Aurten, Segi gazte erakundea lanean dabil ere zentzu honetan, eta pasa den hilean, Gazte Taupadak irratsaiora Iker etorri zitzaigun haiek burututako kanpainari buruz hitzegitera..
Ikerrek, etxebizitza eskubidearen urraketa kapitalismoaren logikaren baitan kokatu zigun. Finean, Estatuak bermatu beharko lituzken eskubideen pribatizazioaren bidean gaudenean, etekin ahalik eta haundiena atera ahal izateko. Horren ondorioak argiak dira, izan ere, gure bizimodua bizi osorako erabat baldintzatzen dute, hipoteka batean sartzera behartuz edo alokairu prezio eskuraezinak bultzatuz. Eta hori ere, Ikerrek aipatu duenez, bakarrik gazteen %21ak egin dezake, beste guztiak gurasoen etxean jarraitzera behartuak ikusten direlarik.
Gogor kritikatu du Ikerrek instituzioetatik sortutako proposamenak, zozketen sistema batez ere. Sistema gazteon beharretatik urruntzen da, eta ez da konponbide erreal bat. Arazo hau gero eta larriagoa izatearen errua instituzioei bota dio, baina argi utzi digu, banketxeak (ezartzen dizkiguten hipotekeen baldintza jazanezinekin, konstruktorak eta inmobiliariak ere, arazo honen erantzuleak direla. Haientzat ere,izugarrizko etekinak ematen dizkien negozioa delako, gazteok kale gorrian bizitzera kondenatuz. Segiren alternatiba, etxebizitza parke publiko baten aldekoa da, zeinaren, kudeaketa herritarren esku egongo litzateke. Modu honetan, etxebizitza berri, zahar eta hutsen kudeaketa egingo litzateke, beti ere pertsonen beharraren arabera, eta ez merkatuaren eskaintzaren arabera.
Elkarrizketa osoa hemen daukazue entzungai, arazoa oso argi irudikatzen duten datuak bota dizkigularik.

Duela hilabete batzuk sortu zen “Kamaradak gazte internazionalisten sarea”. Proiektu honen helburua, internazionalismoak duen garrantzia gazte esparruan lantzea da, eta honekin batera, mundu mailan hartzen diren erabakiek Euskal Herrian duten eragina azpimarratzea. Abenduan zehar, zenbait aurkezpen egin dira Euskal Herrian, eta jakin dugunez, estatu espainarretik eta Italiatik ere pasa dira ekimen berri hau aurkeztera. Sare honi buruz hitzegiteko asmoz, Ibai izan genuen Gazte Taupadak irratsaioan

Berak adierazi zigunez, proiektu honen beharraz pasa den ekainean burutu ziren jardunaldi internazionalistetan jabetu ziren. Bertan, gazte mugimenduaren arloan perspektiba internazionalistaren falta nabarmendu zen, eta hutsune hori betetzeko Kamaradak sortzea erabaki zuten.

Internazionalismoaren ideian sakonduz, antiinperialista eta internazionalista izan beharko litzateken herri fronte baten beharra adierazi zigun Ibaik. Ezaugarri horiek kapitalismoari aurre egiteko ezinbestekoak dira, azken finean, kapitalismoaren baitan ezin dugulako gure proiektua garatu.

Herrien arteko elkartasun hori dagokionez, 3 funtzio nagusi nabarmendu daitezke, herrien arteko lotura bermatzea, norabide bikoitzeko lan bat izatearen beharra, eta herri proiektuetan oinarritzearen beharra.

Azkenik, proiektu honetan parte hartzeko gonbidapena luzatu digu Ibaik, bai egiten diren batzar irekien bidez edota baita abian duten internet bitartekoaren bidez,alegia, haien bloga: www.kamaradak.org helbidean.

Hemen daukazue entzungai elkarrizketa osoa

Astelehen honetan, gabon zaharrean, irratisaio berezia egongo da Hala Bedi Irratiko hiru irratisaio gazte prestaturik, Zaurituak 2007, Muinoko Uhinak Astintzen, Gazte Taupadak eta Musikgerrila irratisaioen esku.

Irratisaio berezia Hala Bedi Tabernatik egingo da zuzenean, arratsaldeko 19:00retatik gaueko 22:00ak arte. Sorpresa ugari egongo dira Hala Bedi Tabernan eta Kutxilleria kalean.

Hona hemen beraiek prestaturiko kartela.