Hala Bedi Irratia

Ditxosozko Gorbea super-merkatal zentru erraldoi makroa ere txiki gelditu zen Bertxoko sariketaren 2. kanporaketak Etxabarri-Ibiña herri ederrean sortu zuen giro epelarekin alderatuta.

Bale, esaldi luzeegia. Hemendik aurrera motz puntu motz puntu eta abar.

Ba horixe, han elkartu zirela 30 bat entzule fidel, sei bertsolari gazteren jarduna aditzeko prest eta gogotsu. Herriko taberna bakarreko jantokian izan zen saioa, gortina urdin batzuen atzean, giro intimoan. Ederki afaldu ondoren (kroketa ugariak, entsalada majoa, perretxiko nahaski tripaberdintzailea, albondiga tomatetsuak eta saiheskia, postrea eta abarrekoak) normalean sortu ohi den bertsotarako umoreak izan zuen presentzia beste behin ere.

Afalosteko menuko platerak: Hodei Lopez de Arkaute (Gopegi), Manex Agirre (Aramaio), Maindi Murua (Azkaine), Lander Ibarluzea (Etxabarri, baina ez Araba, Bizkaia baizik), Jagoba Apaolaza (Gasteiz) eta Ander Solozabal (Gasteiz). Bertsolariak gogotsu, entzuleak gogotsu eta giroa epel kanpoko hotzarekin alderatuta. Espektakulu bermatua.

Hemen daukazu Ander Solozabal-en agurra entzungai:

ENTZUN:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Kronika irakurtzen jarraitu nahi baduzu ea nor pasatu den jakiteko edota Etxebarrin egon ziren bertsoak entzun e ta argazkiak ikusi nahi badituzu Segi irakurtzen.

HOTZZAAAAAAAAAAAAAAAAA!

Horixe esan genuen denok Zabola aldera iritsi ginenean. Kanpoan izotza, elurraren faltan: denok elkar berotzeko esperantzarekin… benga elkarte barrura, aguro!

Jokin Labayen (Arrasate), Andere Arriolabengoa (Aramaio), Eneritz Artetxe (Azpeitia), Hodei Iruretagoiena (Zarautz), Olatz Ibarluzea (Mungia), Iker Agirre (Aramaio)… horixe eguneko menua. BERTXOKO SARIKETAren lehenengo kanporaketa entzuteko 50 entzule inguru, eaaaaarrrrrrrrki! giro polita hasi zenetik bukatu arte, entzuleak lehenengo afaltzeko gogoz, eta gero bertsoak entzuteko gogoz.

Hemen entzun ahal dezakezue Olatz ibarluzea-ren agurra:

ENTZUN:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Bertsoak ta argazkiak entzun eta ikusteko bertxoko sariketako web orrian.

HOLA HOLA HOLA
HEMEN GAUDETE…

Aaaaaaaaaaaaaiiiiiiiii, BERTXOKOren esentzia… BERTXOKOren usaina… BERTXOKOren lurrun sentsuala… BERTXOKOren trikitrakatrona, BERTXOKOren hitz joko lizunak…

Azken finean, BERTXOKOren aurpegi eta ipurdia! Hori duzue hemen, BERTXOKO sariketaren itxura integrala.

2007 urte likits honetan haize prexko pixkat ekartzera gatoz bertsoaren mundu klasiko usteldu burukarratu eta zaharkitu honetara. Guk ere badugulako zer esan eta zer eman, aspaldi topatu genuelako G puntua (ez da hala, Koxme?). Egin behar duguna hori da: G puntuari kilikiliak topatu. Bai G, Z, X, Y… oseake puntu guztiei, baina puntuz puntu.

Sariketa bat da hau, ez gaitezen engaina. Ez dago bromarik, eta epaileak bai, sariketa guztietan bezala. Hiru kanporaketa eta final eder bat izango ditugu Araban barrena. Era guztietako bertsolariak, era guztietako herriak, era guztietako publikoa. Era guztiak zilegi direlako.

Zer egin beharko dute bertsolariek sariketan? Gauza gutxi, baina ONAK:

Agurra kantu batean oinarritua eta puntuagarria
Zortziko handian hiruna bertso ofiziotan
Zortziko txikian hiruna bertso ofiziotan
Bi punturi erantzun
Hitzari kantu doinuan oinarrituta bertso bat
Trikitixaz lagundutako hirunakako kopla saioa

Beraz, ostia gutxi eta zaplasteko ugari: sariketa beti da gerra bat.

Webgune zoragarri bezain atraktibo honetan  (zenkiu Aitor) joango gara guztiaren berri ematen astero astero. Maite zaituztegulako.

Gehiago nahi baduzue, Hala Bedi irratian entzun gaitzakezue asteazkenero 20etatik 21etara. BERTXOKO!!

IZAN UNTXA
IZAN UNTXI
IZAN LUNTXA
IZAN DUTXA

Ez dittugu txapeldun eta txapeldunordeak aipatuko. Gutxienekoa iruditzen zaigu. Sentitzen dugu guraso konpetitiboen frustrazioa.
Titularrekoak gehiago diola iruditzen zaigu. Izan ere Galbahean, hots, 12 bertsolaritik 6 hoberenak aurrera egiteko pausu orretan, finalean genituen bost neskek egin bait zuten aurrera.

Eta ez aurrera egin bakarra. Bai ofiziotan eta bai bakarka saio borobila eskeini ziguten. Zorionak bene benetan bertsolaritzan beren bidea egiten ari diren neskatxa hauei.

Hori 14tik 18 urte bitartekoan. Txikietan berriz, txapelduna neska izateaz aparte, beste zerbait aipatu nahi dugu.

Araba eta Nafarroa sartu dira lehen aldiz bigarren fasean. Aipatzekoa beraz Gillermo Vegas Argantzoarrak eta Irati Majuelo eta Josu Sanjurjo nafarrek hautsitako marka.

Eta horren denaren gainetik, arabak finalari eskeini ziona aipatu behar. Baina nola azaldu hitzez bertsotan entzuna? Hona hemen gure lau protagonisten izenak, eta entzun itzazue beren ahotik.

Zorionak bertxokotik Elyem Chej, Gillermo Vegas, Ander Solozabal eta Ekaitz Samaniegori.

ENTZUN:

Txikien saioa, goizekoa:

Imanol I/Amaia I/Elyem Chej/Gillermo Vegas

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Haundien saioa, arratsaldekoa:

Ander S, Maialen A, Ekaitz S, Maialen A, Kristine T.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Ba al zenekien bertsoak anai-arrebak zituela? Ba bai, baditu, eta ez, ez zenekien. Gustora aurkeztuko genizuke bertxoko honetan, baina gauzak oraindik hobeto egiteko asmotan gatoz. WILSON payadore Argentinarrak aurkeztuko dizu, Paia anaiekin batera:

- Poesia eta humorea gustatzen zaizkio bertsoari bezela, kritikoa eta inkonformista izan ohi da. Jolasa oso atsegin du, eta jokua ere bai. Eta musika! Dantzan ona da gainera, oinak bertsoak ez bezala erabiltzen ditu, beti ere gitarraren soinuaz. Orain arte gazteleraz bakarra zekien, baina euskara ikasten hasia da. Irakurri eta entzutea gomendatzen dizuet. Esan eupa MILONGAri:
Mientras el berso germina

en la poesia me embarco

descendemos de los barcos

allá en mi patria Argentina

por nuestra sangre camina

tambien algo del País Vasko

yo no sufro ni un atasco

y mi amigo no se enoja

con esta txapela roja

lagunak eskerrik asko!

ENTZUN:

Goiko milonga Wilsonen eskutik.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Wilson eta Paia Anaiak

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Agurrak, Milonga euskeraz.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

- Nola ba ez da egongo bertsorik politikan!!!

UPN-ko Leitzako zinegotzi den Pello Urkiolak “Nere hitze bertsotan” liburuan Pedro Pegenaute Nafarroako Gobernuko Hizkuntza Politikako zuzendari nagusiaren alboan aurkeztu zituenak, adibidez.

- Ez ez, ea badagon bertso politikan!!

- Horiek ez zitzaizkigun gustatu egia esan. Ideiengatik batez ere: Franko hil zenetik benetako demokraziarik ez zegoela, Mairuak Espainiatik behingoz bota behar zirela, ez zuela ondo ikusten ikastoletan erakusten den euskera, eta abar luze bat.

‘Politikan, ez dago gauza politikan’ zioen Lazkaotxikik. Baina ez dakigu ba, oker ez ote zegoen. Markel Lizasoain-ek, politika medio, bertso ezin politago hauekin Baztan-Bidasoako bertsopaper leihaketa irabazi bait du, aipaturiko Pello Urkiolaren ideia horiei erantzunez.
Zorionak bertxoko hontatik Markel!! Sentitzen dugu ahots hoberik topatu ezin izana.

‘URKIA: ERRAZ PITZATZEN DEN AZAL ZURIA’.
ENTZUN

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Uzta iritsi zela gutxi da oraindik. Baña ez da gutxi aste honetan Arabako Bertsolaritzak berriz ere eman duen uzta. Aste honetan Arabako Eskolartekoan parte hartu zutenei eskeiniko diegu gure bertxoko hau. Gure zorionik beroenak den denei. Eta gozatu zuen bertxokoaz:

ENTZUN Txapeldunen agurrak.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

ARABAKO ESKOLARTEKO BERTSOLARI TXAPELKETAKO FINALA

Ekainaren 2an izango da, 09:00etan hasita ARMENTIA IKASTOLAN.

Hona hemen Egun horretarako egitaraua eta partehartzaileak:

9.00: BERTSO IDATZIEN FINALA

10.15 Txikien bat-bateko FINALA (14 urte arte)

Elyem Chej (Legutio)

Paula Amilburu (Aramaio)

Antton Karretero (Aramaio)

Gillermo Vegas (Argantzun)

Lierni Balanzategi (Gasteiz)

Maialen Mateo (Agurain)

11.30 Nagusien bat-bateko FINALA (14 urtetik 18ra)

Xabier Igoa (Aramaio)

Joana Kamara (Legutio)

Jagoba Apaolaza (Gasteiz)

Ekaitz Samaniego (Gasteiz)

Ander Solozabal (Gasteiz)

Beñat Goitia (Gasteiz)

13.00 LUNTXA ETA JAIAEta girotzeko,

ENTZUN:

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.